RAYUAN SYETAN
(Naskah: Zamzam Almubarok)
NYAI
(Sedang bercermin) Aduhai
manuk titiran .... aduhai mani geulis pisan
SYETAN
Hanjakal taya nu jualan peuyeum... hanjakal taya nu
bogoheun
NYAI
Ih asa aya nu nyarita tadi
teh. Dimana? Dimana? ah paling sora bangkong keur wiridan.
SYETAN
HI HI HA HA HE HE
Anu Geulis sorangan waé. Taya pisan nu maliré,
ngarep-ngarep bébéndé haté, teu weléh direbut batur waé. Duh nu geulis kalah kariput, ku umur beuki
kalaput, jaba beunget goreng patut, komo lamun sambutut. Diri teu payu-payu, kalah kaélehkeun ku nu ngajual huut.
NYAI
Heh, ulah nyarita
sambarangan, maké jeung disaruakeun jeung huut.
Ngahina beak karep ilaing bandar keuyeup. Tidak ada emas intan mutiara di
negara acakadut ieu anu bisa menandingi keelokan wajah ini! Dengar, kamu, ya!
Mikir kamu, heuh! (nangis) tapi
kunaon atuh bét jajaka anu
diarep-arep turun ti surga maniloka teh wet teu datang-datang, pajar cenah
macet waé di tol cipularang ah teuing asa moal. Huu piraku atuh diri sakieu
kaayaanana aya nu bogoheun. Estuning piit ngendeuk-ngendeuk pasir, malengpeng
pakel ku munding, jogjrog neureuy buah loa. Pamohalan atuh pamohalan aya nu daekeun ka kuring jalma teu boga. Hu
hu hu hu.
SYETAN
Maenya atuh Maenya. Tenang
atuh non. DLKDG
NYAI
Naon atuh DLKDG téh?
SYETAN
Derita Lo kan Derita Gue. Ha Ha Hi Hi
NYAI
Hi hi hi Ngabodor téh mani teu nyari, pisan.
Teu pikaseurien meus-meus acan. Sebel!
SYETAN
Nyi mas Dyah Ayu larasanti
Kumincir dewi jakarta ibu kota negara Indonesia merdeka!
NYAI
Iya
SYETAN
Eta raray bulan purnama
(betul)
Irung mancung lir bujur
aseupan (oh setuju)
Panon cureuleuk mata simet
kapireupeunan
Biwir beureum jawer hayam
pelung mang opik
oh bidadari (Apa?)
Bila engkau tak mau kesepian
terimalah laki-laki di setiap pengkolan, di setiap gang, setiap jalan satapak.
NYAI
Ideu jempol, yu ya yu
setuju. Patut diuji
Adegan jalan
berganti pasangan, sampai suatu saat. Tiba-tiba.
SANTRI
Asa hoyong usum dukuh... Asa
hoyong Assalamualaikum wr wb
NYAI
Atuh komo mun di pasihan
dukuh... atuh komo waalaikumsalam wr wb
SANTRI
(Beri isyarat datang tirai) Asa hoyong meser es krim... kana tikoro matak
ngareunah... sabab urang sanes muhrim.... ati-ati bilih janten fitnah.
NYAI
Ih akang mani tiasaan pisan.
Yeuh nyai gaduh pantun. Halodo mah raosna metis... awak genah sanajan gerah....
teupangkeun abdi nu geulis... Nyi Ijem nami nu endah.
SANTRI
Subhanalloh aduh nyi Ijem tea
ieu teh. Alhamdulillah kersaning gusti urang tiasa patepang, nya. Ieu abdi
gaduh pantun. Sadaya-daya mungguhing Allah... Jalmi nu gaduh tarekah...
tepangkeun abdi Abdulloh... santri tulen nu katelah.
NYAI
(berbicara sendiri). Alhamdulillah ieu pisan nu diimpi-impi teh. Nya
kasep, soleh, nyantri, putra pa haji bakri, bandar meri, loba sapi, lega tanah
sagala kabeuli, mun jadi kabogohna pasti loba nu iri. Yeuh kang abdul
kupingkeun. Kade mun ulin ka leuwung... bisi di gegel ku macan... cep abdulloh
tos gaduh kabogoh teu acan?
SANTRI
Mun urang ulin ka
leuweung... Kade poho bedog panjang ... Alhamdulillah abdi masih lajang.
NYAI
Atuh kaleresan sami abdi oge
masih lajang ting-ting.
PAMUDA
I
Hei kisanak! Terimalah
pantunku ini. Kade nyarita kudu
disaring... tong kagoda ku nafsu syetan... nyi ijem kabogoh kuring... ulah wani
ngadekeutan.
PAMUDA II
Keur naraon ieu teh make
jeung aya acara ngaku-ngaku nyi ijem kabogoh ilaing. Yeuh dangukeun. Melak
bonteng di sawah garing... papanasan nepi ka gering... nyi ijem geus dilamar
kuring... bulan hareup arek dikawin.
PEMUDA III
Aeh-aeh saha maraneh. Ulah
coba-coba ngadeukeutan nyi ijeum. Ieu kuring boga pantun. Cau kulutuk geus
ararasak..
Pamuda II
Ari kitu?
PAMUDA III
Dahar beakeun ku ilaing.
Yeuh sanghareupan kuring pandekar jompong. Asli turunan si jampang.
PEMUDA I
ulah peupeuleukeuk ilaing.
Ieu bedog si kuda pateuh. Meunang nganjuk ti aki ahmad, dijampean ku embah
dalem sacolek. Dipuasaan di guha saparwadi, di keueum 2 tahun di situ panjalu.
PAMUDA III
Sabaraha hargana?
PAMUDA 1
12 rebu lima ratus we sok
nyeepkeun, dimirahkeun geura.
PAMUDA III
Ah paskeun we atuh 10 rebu.
Mani asa kabina-bina teuing ngabati teh.
PAMUDA I
Kieu we atuh kumaha pami
11.250, soalna tos naek ti tukang panayna. Eit (terkejut) kunaon kuring jadi jualan bedog? Ieu rasakeun serangan
maut. CIAAAT
SANTRI
Hello. Please deh... ke
antos punten tong waka dikawitan gelutna. Abdi alim janten jalmi anu kalebet
golongan anu dzolim
NYAI
Kakang dulloh?
SANTRI
Assalamualaikum
NYAI
(Ceurik) waalaikum salam....... haling nyingkah kaditu sing jauh! (ka pamuda 1,2,3)
SYETAN
Tenang, nya. Ulah sabar,
tong tawekal. Pasrahkan sadaya pasoalahn ka mbah dukun di gunung tugel.
NYAI
Astaghfirullohaladzim. Hapunten sadaya-daya Gusti Nu Maha Suci. Astaghfirullohaladzim
SYETAN
HUUAAAA PUANNAAS.
SANTRI
(Saat nya sendirian dalam sepi) Assalamualaikum ya ukhti
NYAI
Waalaikumsalam ya akhi..
SOUND TRACK
No comments:
Post a Comment