KAHOYONG SALIRA
(ZAMZAM ALMUBAROK)
KAHOYONG SALIRA TÉH KUMAHA?
DATANG HALODO SALIRA NYARITA
“EMH…. HOYONG MAH KOMO
NETEPAN BERJAMAAH KA MASJID TÉH, NGAN HÉSÉ CAI!! DEUH
HANJAKAL PISAN, NYA”
[[
KAHOYONG SALIRA TÉH KUMAHA?
DATANG HUJAN
SALIRA NYARITA
“IKH… SANÉS TEU HOYONG
BERJAMAAH KA MASJID DA PUGUH RARUJIT, JABA MASTAKA SOK RADA TEU KAOP KATINGGANG
HUJAN LANGSUNG HAREENG!! DUH, HANJAKAL PISAN, NYA”
KAHOYONG SALIRA TÉH KUMAHA?
DATANG MUSIM MELAK PARÉ SALIRA NYARITA
“ALAH… SOK ARARISIN ARI TI
SAWAH LALEDOK, BARAU LEUTAK KA MASJID TÉH. BILIH
NGANGANGGU KAKHUSUAN IBADAH ANU SANESNA!! DUH, HANJAKAL PISAN, NYA’
KAHOYONG SALIRA
TEH KUMAHA?
DATANG MUSIM PARÉ BEUKAH SALIRA NYARITA
“EUH… DA ANU SALAH
MAH MANUK PIIT PANGNA JOLÉDAR KA MASJID TÉH, DA SIMKURINGMAH
SAUKUR TUGAS, BILIH PANEN TEU BEUBEUNANGAN!! DUH, HANJAKAL PISAN, NYA.
KAHOYONG SALIRA TÉH KUMAHA?
DATANG MUSIM PANÉN SALIRA NYARITA
“GUSTI… TEU CEKAP
SADINTEN PADAMELAN TÉH SEUEUR KÉNÉH, TI ISUK JEDUR
KA SORE JEGÉR UNTUNG PEUTING TEU JEGER OGÉ, TI MIMITI NGANGEBOT, NAPIAN, NGAKUT, NGAHELER
DUGI KA NYANGUNA. KA MASJID MAH INSYAALLAH ÉNJING DEUI, WÉ AH. HANJAKAL
PISAN, NYA.
KAHOYONG SALIRA TÉH KUMAHA?
SUR SALIRA..
AKH USAHA TÉH TEU KUAT MELI
SARUNG-SARUNG ACAN, NEPI KA ÉRA KA MASJID OGE.
SUR SALIRA
WIOS DA DI BUMI OGÉ BERJAMAAH SAMI
SARENG BOJO MALAH LANGKUNG APDOL KARAOSNA
KUMAHA KAHOYONG SALIRA NALIKA
AJAL GEUSAN DATANG?
KA KEBON MAH SERING KA MASJID
MAH JARANG DIANJANGAN
KA SAWAH MAH MINENG KA
PANGOSANMAH KAKAPEUNGAN
NGAN HANJAKAL ANU TEU BISA
DIUBARAN
No comments:
Post a Comment