MANTAN PREMAN (NASKAH DRAMA PENDEK)

contoh audio kabaret MANTAN PREMAN
kunjungi channel youtube TOKO KABARET
https://youtu.be/86GMG7sfQKA

MANTAN PREMAN

(KARYA; ZAMZAM ALMUBAROK)

Dina hiji mangsa, kacatur hiji pamuda gagah sinatria. Ngan hanjakal akhlakna goreng kacida, tukang mabok tukang cabok, pagawean gelut jeung judi, antukna sakabeh warga mikangewa, Tara aya nu daek ngadeukeutan, kabeh buriak ngajauhan mun manehna datang. Eta pamuda teh ngarana Jang Kemen.

Jang Kemen           :  Elisaa teh damang? Damang Elisaa teh? Teh Elisaa damang?

Elisa                        : Puguh henteu akang, Elisaa teh bingung. Bingung Elisaa teh, teh Elisaa bingung, akang.

Jang Kemen           : Bingung naon ari Elisa? Nyarios atuh ka akang. Sok

Elisa                        : Si abah teu satuju Elisa ka akang. Pok teh ceuk si abah “tong daek ka si Kemen, jelema teu eucreug” kitu akang.

Jang Kemen           : Har ari abah, make nyarita akang teu eucreug. Apan abah oge tukang renten. Sarua teu eucreg.

Elisa                        : ceuk si abah “Maning ka Jang Salim, putra juragan kalapa, jaba bogaeun es hiji”

Jang Kemen           : lah pirage es hiji. Hayu ayeuna urang meuli kulkas.

Elisa                        : Sanes es nu kitu, akang. Es hiji alias sarjana.

ABAH                      : Eliiis! Kadieu ka abah. Kemen, geus tong manggihan deui Elisa.

Elisa                        : Pileuleuyan akang. Sapu nyere pegat sasampayan akang

JANG KEMEN         : Na ari Elisa, pegat simpay meureun. Heg Elisa, heg wae lah kumaha Elisa.

ELISA                      : Kang Kemen

JANG KEMEN         : Eliiiiiiiisaaaaaaaaaaaa

ELISA                      : kakang Kemeeen

JANG KEMEN         : Eliiisaaa

SALIM                     : Kemen Kemen.... hey Kemen, (ngajak sasalaman) Ngaran kuring Salim es pe de ka te.

Salim jeung Kemen sasalaman patarik-tarik nyekel, Salim akhirna eleh tanaga, leungeun kenca salim ujug-ujug ngajius rek ngepret pipi Kemen. Ku Kemen rikat ditewak bari dipurintilkeun. Atuh salim gogoakan ngarasakeun kanyeri anu pohara. Teu lila datang polisi duaan langsung ngarangket Kemen

POLISI                     : Kemen, naha bener anjeun maok hayam anu abah.

KEMEN                   : Maok hayam? Naha jadi kana hayam.

POLISI                     : ah duka teuing, pangna nanyakeun oge apanan teu apal.

KEMEN                   : Heunteu pa POLISI,

SALIM                     : Kieu pa polisi, abi teh nuju ngobrol jeung Elisa oge si abah. Ieu Kemen Ujug-ujug nengeul tongong ti pengker, ari pas abdi ngalieuk, na ari jebrod teh pipi abdi ditengel, dugi ka coplok waos oge 3 siki. Tah ieu waos abdi buktina (bari calawak)

POLISI                     : ke da waos jang salim mah masih utuh, teu aya nu coplok (bari nyenteran barisan waos jang salim)

SALIM                     : ehm emm, ee pan waos abdimah dua jajar, pa.

ABAH                      : muhun pa, jiga waos lauk hiu. Abdi saksina. Tingali we ku bapa raray jang salim, ku saliwatmah rada mirip lauk hiu.

KEMEN                    : he he he he

POLISI                      : Ehm... kumaha neng Elisaa, leres naon anu dicaritakeun ku jang salim teh?

ELISAA                     : emm (luak lieuk jiga nu bingung) muhun pa polisi, kitu pisan.

KEMEN                    : Hah? Elisaa. Teungteuingen Elisaa, bohong pak polisi, bohong, haaaaaaaaa.

POLISI                      : (ngaluarkeun pestol) Ulah coba-coba ngalawan kemen.

Kemen rikat ngarebut pestol Pak POLISI terus ditodongkeun ka nu ngariung manehna. Kabeh nu aya sepa, sieun ku polah kemen. Tapi, dadak sakala kemen ceurik balilihan, manehna ngedeprek teu walakaya bati sedih. Pestol murag tina leungeunna. Geuwat wae pak polisi ngarangket leungen kemen, diasupkeun kana bui. Abah jeung salim suka bungah, Elisaa mah katingalna sedih ningali nasib kemen.

Pa RT       : Kadang wargi anu dipihormat. Jang Kemen nu pernah 5 taun dipenjara, ayeuna bade sumping seja silaturahmi. Lamun jang Kemen, datang. Kade tong araheng, sumawona mikangewa. Jang Kemen  ayeunamah geus insaf, geus jadi jalma bener.

Ecep        : mending tong sing balik kadieu, pa RT. Nu ngaran mantan tukang cabok tukang mabok, mal ngalakon leungit sifat gorengna. Bisi mawa sial ka sarerea.

PA RT      : ulah pegat harepan tina rohmat pangeran ilaing ecep, naha ilaing ngarasa beresih tina salah?

ECEP        : Punten Pa RT.

Teu lila jol kang Kemen datang. Teu mawa pamor jahat, sirah dikopeah, sarung nyampai dina tak-takna, estuning rapih make baju koko calana pangsi. Warga nu aya pating olohok ngembang kadu.

KEMEN    : Assalamualaikum, Pa RT oge sadayana daramang? (Ecep jeung 2 warga lianna buriak lalumpatan sieuneun ku kemen)

PA RT      : Waalaikumsalam. Alhamdulillah damang. Samulihna kumaha jang kemen damang?

KEMEN    : Alhamdulillah sae, pa.

PA RT      : Wah, jang kemen. Nguping wartos jang kemen ayeuna sukses janten juragan endog. Leres eta teh.

KEMEN    : wah abdi teu acan pantes disebat juragan, Pa RT. Ah mung usaha aalitan.

PA RT      : Nya Nuhun atuh, ngiring bingah. Karunya mah si abah, ayeuna teh bangkrut. Anu narambut artos ka si abah, seueur nu kalabur. Bahkan carogena neng Elisa, jang salim. Kabur deuih sami.

KEMEN    : Aduh kutan kitu, pa RT. Permios atuh Pa RT, assalamualaikum

PA RT      : oh muhun atuh mangga, waalaikumsalam.

Abah jeung Elisa anu katingalna keur kakandungan keur ngaharuleng nalika kemen datang uluk salam

Kemen     : Assalamualaikum

Abah        : waalaikumsalam, aeh... kemen. Ieu teh kemen?

Kemen     : Muhun abah. Abdi kemen.

Abah        : Hampura abah

Kemen     : dihapunten pisan abah, abdi kadieu seja silaturahmi. Ieu oleh-oleh kango abah

Abah        : Gusti Nu Agung, (ceurik)

Kemen     : Elisaaa... Elisaa damang.

Elisaa      : (ceurik) hapunten Elisaa akang. Hapunten Elisaa. Kamelia datang nyalukan kemen ti kajauhan.

Kamelia   : Kang Kemen, hayu!

Kemen     : itu pun adi, abah. Elisaa. Jenenganana kamelia. Mangga dikantun abah, Elisaa.

Abah jeung Elisaa carinakdak ningal kemen nyampeurkeun kemelia, rasa sedih jeung hanjakal anu pohara gedene. --- F I N