DELAN JADI GUBERNUR (Naskah Drama Pendek)

PARODI DELAN

Karya : Zamzam Almubarok

ISAH      : Duh aduuuh aduh

ENOK    : Kunaon ari ceu isah, geura. Aya naon kunaon? Ceu isah teu kunanaon?

ISAH      : Yey... kang Dasim kabogoh euceu. Bakal jadi Gubernur Jawa burut.

EROH    : Jawa burut? Jawa Barat meureun, ceu isah

ISAH      : Tah eta, Jawa beurat........ he he he Jawa barat atuh eroh, maenya teu Faham.

EROH    : Palebah ku teu faham, nya kumaha?

ISAH      : Najis na!! Haaah engges engges! Pakona maneh eroh enok kudu ngadukung kang Dasim, coblos kang Dasim.

ENOK    : Apan kang Delan budakna bi elis, oge sarua ek nyalon. KMileahha eta..

ISAH      : Nya tong dipilih atuh enok

ELIS        : Assalamualaikum

Jol neng elis ngaliwat...

ISAH      : Eh bi elis... bade kompanye bi?

ELIS        : Sanes, bade ka kebon, neng enok.

ISAH      : Bi elis... Hidup kang DASIM!!

ELIS        : Nya iraha jang DASIM maot?

ISAH      : Euuuh...  jelaskeun enok

ENOK    : Maksad ceu isah, kang dasim teh teu acan maot, bi. Hirup keneh

ISAH      : Lain kitu, enok!

EROH    : Yey kalah lieur kieu.

ELIS        : Duh... daripada lalieur maning ka kebon yuk

EROH    : Mangga bi

Di hiji imah pa kosim jeung nyi Titi nuju ngaharuleng.

KOSIM  : Emh, sawah kalah kagaringan, hayam kucekak, balong kusero, boga lauk jaer sasiki kalah ku ucing. Emh jeung naon urang dahar ayeuna, Ni.

TITI         : Aya keneh sangu poe mah. Goreng cerem sesa kamari. Keun we saaya aya

DASIM  : Assalamualaikum, aki nini damang.

KOSIM  : Ah kieu we jang ari geus kolot mah. Aya naon ieu teh mani rareuwas?

TITI         :Enya, jang. Mani asa tara-tara.

DASIM  : ieu gaduh artos sakedik, lumayan kango meser tarasi.

KOSIM  : Alaaah 20 rebu. Muhun atuh nuhun, jang.

DASIM  : Kade aki nini sakeluarga coblos abdi dina pemilihan gubernur engke. Coblos pas dina tarang abdi.

TITI         : Insya Allah jang, ku nini jeung aki urang tojos. Ku peso jang nojosna?

DASIM  : Ku lencog,  Mani asa piraku atuh. Ku paku, ni. Ke disadiakeun pakuna di lokasi

Di jalan mileah keur lempang sosoranganan, jol Delan datang ti tukang

Delan    : sampurasun

Mileah : rampeos

Delan    : Nyai teh mileah nya

Mileah : hem eh

Delan    : Hoyong teu diramal?

Meleah                : Alim ah. Musyrik. Geuning terang nami abdi?

Delan    : Abdi oge terang jajanan karesep mileah

Mileah : seblak

Delan    : sami, assalamualaikum

Mileah : waalaikumsalam

                Di Kantor Komisi Pemilihan Umum

KOKOM                : Kadang wargi oge kanca-kanca sadaya. Alhamdulillah, anu parantos daftar calon gubernur tos aya 2 jalmi. DASIM ti Partai Impenan rakyat, sareng Delan ti partai karuhun berkarya. Ehmm... jang Delan kamana ieu teh, Neng Lia?

LIA          : Aya nu ngawartoskeun saurnah nuju moe pare, bu.

KOKOM                : Nya teu terangen ayeuna jadwal kompanye?

LIA          : Manawi aneh puguh jang Delan mah, bu. hulang huleng sura seuri jiga jurig. Hayoh we da mikiran mileah mileah mileaaaah

KOOR    : JURIIG!!!

Elis         : jang Delan teh jalmi, jelema!! ibu bapak, budak kuring. Lain jurig... mani teungteuingeun nya.

KOOR    : Eta we mani teu gaul jeung jarang nyarita!

ELIS        : Neng lia teh seorang abdi negara, sing alus polah hade basa.

KOKOM                : Tos tos,  mangga we urang langsung ka calon nu ka hiji ti partai impenan rakyat, bapak Dasim sumangga dihaturanan.

DASIM  : Assalamualaikum... simkuring ngimpen, rakyat kabeh balenghar, kabeh jadi bos,  Impenan simkuring! Pendidikan gratis, diajarna bebas, guruna ngajar oge bebas, bahkan urang lobakeun pelajaran bebas, kesehatan gratis, bbm gratis, sembako gratis tinggal barang penta. Ingat tiga G. Gratis, gratis, jeung gratis

KOKOM                : kumaha tiasa gratis kitu geuning pak Dasim, carana kumaha?

DASIM  : Dina impenan sim kuring. Tiasa gratis asal... syaratna....

KOOR    : Syaratna?

DASIM  : Syaratna aya dina impenan sim kuring.

ISAH      : Hidup kang DASIM! Hidup partai impenan rakyat!

KOOR    : Hidup!! Hidup!

DASIM  : Wassalamualaikum

Teu lila jol datang jang Delan. Ngageuleuyeung teu basa-basa acan..

KOKOM                : Dilajengkeun ka calon ti partai lamunan sejahtera, Jang Delan dihaturanan.

DELAN  : Assalamualaikum... Mileah, damang.

KOOR    : haaaah?

LIA          : Tuh nya, geus datang deui panyakitna.

MILEAH: Jelema gering.

Delan    : jangan gering, berat. Kamu ga akan kuat,  Aku saja

Mileah : karep.

Delan    : Mileah, kamu cantik.

Mileah : ih si akang mani jujur

Delan    : Tapi aku belum mencintaimu. Duka taun hareup mah. Tunggu aja.

KOKOM                                : Jang Delan, ini panggung politik sanes filem cicintaan. Jang Delan Please!!!

DELAN  : Cekap, bu. Assalamualaikum.

Delan ngageuleuyeung ningalikeun polah anu tiis. Delan langsung diriung ku wartawan.

WARTAWAN     : Pemirsa, calon gubernur dari partai karuhun sejahtera secara mengejutkan menggunakan panggung politik sebagai ajang mengungkapkan perasaan cinta pada Mileah. Ada apa dengan Delan?

Mileah                 : aduh, asa teu pararuguh hate. Dipanah cinta ku kang Delan, mani bungah ih

Teman m             : geuning bungah, sugan teh bakal ngambek

Mileah                 : hi hi hi... oh kang Delan, calon gubernur anu kasep pisan

DASIM                  : ha ha... mileah, mileah. Tong daek ka si Delan, mending ka jang dasim. Hayu hayu hayu

DELAN                  : Milea teu kunanaon.

Milea                    : henteu akang.

Delan                    : jangan bilang padaku ada yang menyakitimu. Nanti orang itu secara perlahan akan... akan...

Dasim                   : akan apa?

Delan                    : akan bertambah usia

Dasim                   : Belegug

ISAH                      : DELAN!!! Jangan ganggu kabogoh isah, nanti kamu bisa viral!

DASIM                  : Kabogoh Isah? Ti iraha Isah jadi kabogoh kuring?

ISAH                      : Apanan na impenan akang. Urang tos kantos jadian na impenan.

DASIM                  : Haar? Teu bisa kitu Isah. Tong kikituan. Era ah!

ISAH                      : Tega akang! Akang tega ka isah OST

Di hiji tempat, Delan dipegat ku Dasim jeung wadia baladna

DELAN                  : Dasim!

DASIM                  : Tong loba nyacapek ilaing Delan.. sok tarewak.

Delan pada nyekel ku anak buah dasim. Delan ujug-ujug berontak, lepas tina koncianana. Anak buah Delan langsung nyabut peso maksud dituncrebkeun kana beuteung Delan. Delan rikat nangkis, eta anak buah Dasim ngajolonjong hampir nubles beuteugn dasim. Tapi gagal sabab kahalangan Isah, antukna beuteung isah keuna katuncreb peso. Isah ngedepruk satengah diuk baloboran ku getih. Teu lila datang babaturanana enok jeung eroh, tuluy isah nyarande kana awak enok. Dasim saukur olohok ningali isah

ENOK    : Isah, sadar Isah. Ieu Enok ieu Eroh. Sobat isah. Isah Isah... huiihuihuiwiwi

ISAH      : Mana kang Dasim?#@!

DASIM  : Ieu Isah.

ISAH      : Dasim teh ngaran jurig imah akang. Gentos we nami teh ku Zamzam. Zamzam, akang!

DASIM  : Muhun Isah, heg Isah. Ngaran kuring tisemet ayeunamah arek Zamzam wae.

ENOK    : ISAAAAAAAH

ZAMZAM             : Innalillahi wainna ilaihi rojiun

MILEAH                : Akang, Kang Delan teu kunanaon.

DELAN                  : Henteu nyai.

ZAMZAM             : Jang delan. Mun pareng anjeun nu kapilih. Tangtu kuring baris ngadukung.

DELAN                  : Pak Zamzam, mun pareng anjeun nu kapilih, kuring ge tangtu baris ngadukung.

Pa Zamzam jeung Pak Delan sasalaman, ngaitkeun simpai babarayaan, yen hirup lain jang paaing-aing, lain jang pasaing-saing silih bebek silih cabok silih kakalakeun, nu lemah ditindas, nu kuat ngawasa, estu kudu sauyunan silih wasiatan dina bebeneran, silih wasiatan dina kasobaran.

Mileah keur nunguan Delan, jol tukang ojek. Mileah nelpon Delan

MILEAH                : Assalamualaikum delan, aku mau pulang pake ojek.

DELAN                  : Sok aja, pake ojek

MILEAH                : Kamu teh ga cemburu aku naik ojek.

DELAN                  : Cemburu itu hanya untuk orang yang ga percaya diri.

MILEAH                : Jadi kumaha?

DELANk                : Ya sekarang aku sedang percaya diri, duka mun isukan mah

MILEAH                : Jadi kamu ga cemburu?

DELAN                  : Ya engga lah, kan tukang ojeknya aku.

Mileah sunyam senyum tirai menutup, acara rengse

F      I       N